ՀԱՅԱՍՏԱՆԻ ԱՌՈՂՋԱՊԱՀՈՒԹՅԱՆ ԱՇԽԱՏՈՂՆԵՐԻ ԱՐՀԵՍՏԱԿՑԱԿԱՆ ԿԱԶՄԱԿԵՐՊՈՒԹՅՈՒՆՆԵՐԻ ՃՅՈՒՂԱՅԻՆ ՀԱՆՐԱՊԵՏԱԿԱՆ ՄԻՈՒԹՅԱՆ ԳՈՐԾՈՒՆԵՈՒԹՅԱՆ 2017-2022թթ. ՀԻՄՆԱԿԼԱՆ ՈՒՂՂՈՒԹՅՈՒՆՆԵՐԸ
Հայաստանի առողջապահության աշխատողների արհեստակցական կազմակերպությունների ճյուղային հանրապետական միության 2017-2022թթ. հիմնական նպատակն է՝ միավորել և զարգացնել արհմիութենական շարժումը, բարձրացնել արհմիութենական կազմակերպությունների ընտրովի մարմինների գործունեության արդյունավետությունը, արհմիության անդամների իրավունքների ու շահերի ներկայացումը և պաշտպանությունը՝ առողջապահության համակարգում կատարվող փոփոխությունների պայամաններում։
Արհմիության ընտրովի մարմինների գերակա խնդիրներն են.
1․ Աշխատանքային, մասնագիտական, սոցիալական իրավունքների և շահերի պաշտպանության բնագավառում հասնել`
- առողջապահության համակարգի օպտիմալացման, սեփականաշնորհման գործընթացներում արհմիության անդամների իրավունքների արդյունավետ պաշտպանությանը՝ հնարավորինս կանխելով աշխատողների անհիմն կրճատումները,
- կադրային հարցերի լուծման ժամանակ ՀՀ Աշխատանքային օրենսգրքի կիրառման ուղղությամբ արհմիության հսկողության ուժեղացմանը,
- հաշվի առնելով ճյուղի առանձնահատկությունները՝ մասնակցել բուժաշխատողների աշխատանքային ռեժիմի, հերթապահությունների, րձակուրդների տրամադրման, աշխատանքի ծանրաբեռնվածության և այլ աշխատանքային հարաբերությունները կարգավորող ճյուղային նորմատիվ, իրավական ակտերի կատարելագործմանը,
- Պետպատվերի շրջանակներում և գործատուի միջոցների հաշվին բուժաշխատողների վերապարաստման հնարավորությունների ընդլայմանը,
- ՀՀ օրենսդրությամբ սահմանված կարգով սոցիալական աջակցության մակարդակի, երաշխիքների, հատուցումների, կենսաթոշակների կրճատումների կանխմանը:
2․ Աշխատանքի արժանապատիվ և արդար գնահատման, արդյունավետ և որակյալ աշխատանքի խթանման ոլորտում՝
- առողջապահական գործունեության ֆինանսական ապահովման մակարդակի բարձրացմանը և աշխատանքի վարձատրման ծախսերի ավելացմանը,
- աշխատավարձերի հաշվառման մեթոդաբանության կատարելագործմանը` հաշվի առնելով մասնագիտությունը, պաշտոնը, որակավորումը, կատարած աշխատանքի բարդությունը, ինչպես նաև աշխատանքի վնասակար պայմանների, գիշերային աշխատանքի, խթանիչ բնույթի հավելավճարները և լրավճարները,
- աշխատավարձի հաշվառման կառուցվածքում հիմնական« բազային աշխատավարձի չափի բարձրացմանը,
- արհմիության ակտիվ մասնակցությանը՝ աշխանավարձերի հաշվառման համակարգերի մշակման և հաստատման բոլոր գործընթացներում,
- Եվ վերջապես հասնել բուժաշխատողների վարձատրման այն չափին, որը համապատասխանում է աշխատանքի սոցիալական նշանակությանը, ծանրաբեռնվածությանը և պատասխանատվության աստիճանին:
3.Առողջ և անվտանգ աշխատանքի պայմաններ ապահովելու բնագավառում`
- աշխատանքի պաշտպանության և անվտանգության կանոնների պահպանման նկատմամբ հասարակական վերահսկողության ուժեղացմանը՝ հատուկ ուշադրություն դարձնելով առավել վտանգավոր աշխատանքային տեղերում անվտանգ և առողջ պայմաններ ստեղծելուն,
- աշխատանքի պաշտպանության միջազգային չափորոշիչների ներդրմանը,
- բուժաշխատողների նկատմամբ երրորդ դեմքի կողմից բռնության դեպքերի կանխարգելման միջոցառումների մշակմանը և իրագործմանը:
4. Սոցիալական համագործակցության բնագավառում
- Արհմիությունը ձգտում է ընդլայնել և կատարելագործել սոցիալական համագործակցությունը բոլոր մակարդակներում,
- մասնակցել օրենսդրական դաշտի կատարելագործմանը՝ օրենդրության սոցիալական կողմնորոշվածությունը ապահովելու նպատակով,
Վերոհիշյալ խնդիրը իրականացնելու նպատակով արհմիությունը օգտագործում է՝
- իշխանության օրենդիր և գործադիր մարմինների, գործատուների և ձեռներեցների հետ բանակցությունները՝ սոցիալական և տնտեսական հարցերի վերաբերյալ,
- օրենքով չարգելված տարբեր կոլեկտիվ գործողություններ / ժողովներ, հանրահավաքներ, երթեր, ցույցեր, գործադուլներ/,
- լայնացնում է համագործակցությունը այն քաղաքական, հասարակական կառույցների հետ, որոնց գործունեությունը կապված է առողջապահության ոլորտի հետ,
- աջակցություն Ազգային Ժողովի այն պատգամավորներին, ովքեր պաշտպանում են բուժաշխատողների սոցիալ-տնտեսական և աշխատանքային իրավունքներն ու շահերը,
- զանգվածային լրատվության բոլոր միջոցները:
5․ Արհմիութենական շարժման ամրապնդման և զարգացման ոլորտում՝
Արհմիությունը կազմակերպչական գործունեությունն ուղղում է՝
- Արհմիության հեղինակության բարձրաման նպատակով աշխատողներին հուզող հիմնախնդիրների բացահայտմանը և արդյունավետ լուծմանը՝ դրանով իսկ ցուցադրելով արհմիության ունակությունը՝ աշխատողների շահերը պաշտպանելու գործում,
- արհմիության շարքերի ընդլայնման նպատակով բժշկական հիմնարկներում ակտիվիստների բացահայտմանը՝ հատուկ ուշադրություն դարձնելով երիտասարդ աշխատողներին և նրանց արհմիութենական գործունեության մեջ ներգրավմանը,
- արհմիության բոլոր կառույցների գործունեության արդյունավետության բարձրացմանը,
- արհեստակցական կազմակերպությունների և միությունների ֆինանսական կայունության ապահովմանը և գործատուններից ֆինանսական կախվածության վերացմանը։ Այդ նպատակով տարբեր երկրների արհմիությունների անդամավճարների հավաքագրման լավագույն փորձի ուսումնասիրության հիման վրա անդամավճարների հավաքման հնարավոր նոր մեխանիզմների մշակմանը և ներդրմանը,
- արհմիութենական կադրերի և ակտիվի վերապատրաստման և որակավորման բարձրացման համակարգի կատարելագործմանը,
- տեղեկատվական համակարգի ապահովմանը, զարգացմանը և կատարելագործմանը՝ ապահովելով արհմիության անդամների պարբերաբար տեղեկացվածությունը տնտեսական, սոցիալական, քաղաքական իրավիճակի, առողջապահության բնագավառում տիրող իրավիճակի և արհմիության գործունեության արդյունքների մասին,
- համագործակցում է ճյուղային այլ արհմիությունների և նրանց միավորումների հետ, պահպանում և ամրապնդում է կապը այլ պետությունների առողջապահության ոլորտի արհմիությունների հետ՝ ներդնելով նրանց առաջավոր փորձը, ակտիվ մասնակցություն է ցուցաբերում միջազգային կազմակերպություններում՝ օգտագործելով նրանց աջակցությունը, հնարավորությունները և միջոցները՝ հիմնահարցերի լուծման, արհմիութենական ակտիվի ուսուցման և որակավորման բարձրացման գործում:
ԱՐՀՄԻՈՒԹՅԱՆ ՃՅՈՒՂԱՅԻՆ
ՀԱՆՐԱՊԵՏԱԿԱՆ ԽՈՐՀՈՒՐԴ
Երևան
2017թ.