Մայիսի 12-ը՝ Բուժքույրերի միջազգային օր
Մայիսի 12-ին ամբողջ աշխարհում նշվում է ամենամարդասիրական մասնագիտություններից մեկի՝ Բուժքույրերի միջազգային օրը:
Սիրելի՛ բուժքույրեր, շնորհավորում ենք բոլորիդ՝ Ձեր մասնագիտական տոնի առթիվ:
Շնորհակալ ենք Ձեզ՝ Ձեր կատարած ահռելի աշխատանքի համար, Ձեր անցկացրած անքուն գիշերների համար:
Այս օրերին, երբ ողջ աշխարհը միահամուռ պայքարում է անտեսանելի այս
<<թշնամու>> դեմ, Դուք լուռ շարունակում եք Ձեր գործը՝ անելով
ամեն հնարավորն ու անհնարինը: Եվ վստահաբար կարելի է ասել,
որ Ձեր կատարած աշխատանքի ամենամեծ գնահատականը ապաքինված յուրաքանչյուր
հիվանդի շնորհակալությունն ու ժպիտն է, չէ՞ որ Դուք եք բուժման ողջ
ընթացքում լինում հիվանդի կողքին, խնամում նրան, կատարում բժշկի
ցուցումները: Լավատեսությունն ու համբերությունը թող չլքի ձեզ ձեր բարդ ու
պատասխանատու աշխատանքում:
Շնորհակալ ենք Ձեզ:
Առողջ եղեք:
ՃՀՄ ԽՈՐՀՈՒՐԴ
