Առցանց աշխատանքային հանդիպում ՀԵՏԱԶՈՏՈՒԹՅՈՒՆ
Այսօր ՀԱՄԿ-ի նիստերի դահլիճում Հայաստանի առողջապահության աշխատողների արհեստակցական կազմակերպությունների ՃՀՄ Աշխատանքի միջազգային կազմակերպության աջակցությամբ կատարված <<Կովիդ-19-ի ազդեցությունը Հայաստանի առողջապահության համակարգի և աշխատողների վրա: Սոցիալական երկխոսություն և սոցիալական պաշտպանության, առողջ, անվտանգ աշխատանքային պայմանների ապահովմանն ուղղված միջոցների արդյունավետությունը>> վերլուծության արդյունքները ներկայացրեց տեսակոնֆերանսի միջոցով:
Բացման խոսքով հանդես եկան ՝
Գայանե Արմաղանովան՝ Հայաստանի առողջապահության աշխատողների արհեստակցական կազմակերպությունների ՃՀՄ նախագահ
Բորիս Խարատյանը — Հայաստանի արհմիությունների կոնֆեդերացիայի նախագահի տեղակալ
Սերգիուս Գլովացկաս — ԱՄԿ Եվրոպայի և Կենտրոնական Ասիայի աշխատողների գործունեության սեկտորի ղեկավար
Գոչա Ալեքսանդրիա — Աշխատանքի միջազգային կազմակերպության Մոսկվայի գրասենյակ, աշխատողների հարցերով մասնագետ
Կարինե Գաբրիելյանը — ՀՀ առողջապահության նախարարությանհանրային առողջապահության բաժնի պետ
Այնուհետև ծրագրի փորձագետներ Շուշան Իսահակյանն ու Աննա Իսահակյանը մանրամասն ներկայացեցին հետազոտության ամբողջական վերլուծությունը և կատարված աշխատանքի արդյունքները։
<<Կովիդ-19 հիվանդացությունը՝ Հայաստանի առողջապահության ոլորտի աշխատողների շրջանում>> թեմայով զեկույցով հանդես եկավ Հիվանդությունների վերահսկման և կանխարգելման Ազգային Կենտրոնի վարակիչ և ոչ վարակիչ հիվանդությունների համաճարակաբանության վարչության պետ Ոոմելլա Աբովյանը։
Հանդիպումն անցավ բավականին ակտիվ և բուռն քննարկումների մթնոլորտում։
Բանախոսները ներկայացրեցին Կովիդ 19-ի համավարակի ընթացքում համակարգում ի հայտ եկած խնդիրների, դրանց հետևանքների, հանրային առողջապահության համակարգի կայուն զարգացման և բնակչությանը որակյալ, մատչելի բուժսպասարկման ապահովմանն ուղղված նախատեսվող քայլերի մասին:
Այնուհետև փորձագետները ներկայացրեցին առաջարկություններ՝ հանրային առողջապահության կայուն զարգացման և ոլորտում արժանապատիվ աշխատանքի ապահովման ուղղությամբ:
Հանդիպման վերջում ՃՀՄ նախագահ Գ․ Արմաղանովան, ամփոփելով արդյունքները, կարևորեց նմանատիպ աշխատանքային հետազոտությունների և հանդիպումների նշանակությունը՝ շեշտելով, որ դրանք պետք է կրեն պարբերական բնույթ և շնորհակալություն հայտնեց մասնակիցներին։
Начало формы
Конец формы
